هااااااام جدا للجميع اعضاء المنتدي

السلام عليكم ورحمه الله وبركاته

احنا عارفين يا جماعه اد ايه احنا بعدنا عن ربنا في الفترات الكتيره اللي فاتت
يا جماعه احنا كده هانضيع نفسنا

انا والله مش باكلم كده علي اساس اني مصلح اجتماعي ولا اني احسن منكم في حاجه ولا كده يعني انا باتكلم ان احنا كلنا في غفله لازم نفوق منها لازم يا نضيع


لازم نبتدي من الاول بالصلاه الخمس فروض كاملين مش صعبه ولا خساره في ربنا انا مش هاقولك ربنا اداك اد ايه من نعمه انا هاقولك انتا مش مكسوف وانتا بتعصي ربنا والله يا جماعه انا عن نفسي مكسوف اوي اوي وعلشان كده نفسي ابقي كويس واتوب تيجي نبتدي مع بعض والله مش هانخسر حاجه تعالو نجرب



بصوا احنا شباب التيك اواي وجبات تيك اواي مسرح سينما
تمام
بس فين حق ربنا علينا

انا ليه قلت احنا لازم نبتدي بالصلاه لان الصلاه ده يا جماعه اللي بيميز المسلم من الكافر والله يا جماعه للمره التانيه انا مش مصلح اجتماعي انا بجد نفسي كلنا نتوب ونفتح صفحه جديده مع ربنا انا النهارده صليت الفجر في جماعه مبسووووووط جدا ومرتاح والله يا جماعه مرتاح

بعد كده نعمل ايه ؟

ايه الحاجات اللي مش تاخد وقت صغير جدا وتجيب حسانات كتير

كل اسبوع هانراجع مع بعض عشره نحفظهم نقعد نقولهم




اولا:
من قرأ (قل هو الله أحد) حتى يخِتمَها عشر مراتٍ بنى الله له قصراً في الجنة، فقال: عمر رضي الله عنه إذن نستكثر قصوراً يا رسول الله فقال: (الله أكثر وأطيب).

[ السلسلة الصحيحة 1/589 ]


شوف سهله ازاي والله سهله


تانيا:
- من قرأ سورة (الكهف) في الجمعة،أضاء له من النور ما بين الجمعتين.

[صحيح الجامع الصغير وزياداته]

مش هاتاخد منك تلت ساعه والله ان شاء الله


تالتا:
- من قرأ آية الكرسي دُبُرَ كلِّ صلاةٍ مكتوبةٍ ، لم يمنعه من دخول الجنَّة إلا أن يموت.

[صحيح الجامع الصغير وزياداته]

رابعا:
إذا أخذت مضجعك من الليل فاقرأ(قل يا أيُّها الكافرون) ثمَّ نمْ على خاتمتِهَا فإِنَّها براءةٌ من الشركِ.

خامسا:
أفضلُ الصلوات عند الله صلاةُ الصبح يوم الجمعة في جماعة.

ماهوا كده ولا كده احنا اتقفنا ان احنا هانصلي الفرو1ض كلها صلي الفرد ده بس الوقتي في جماعه والله هارتاح اسال مجرب

سادسا:
من قال: سبحان الله العظيم وبحمده ، غُرست له نخلةٌ في الجنة .
هههههههه شوف رحمه ربنا اد ايه الحمد لله علي نعمه الاسلام

سابعا
إنَّ سبحان الله ، والحمد لله ، ولا إله إلا الله ، والله أكبر تنفُضُ الخطايا كما تنفضُ الشجرةُ ورقها.

ارمي زنوبك وامسحها باستيكه يالا

تامنا:
من صلى عليَّ حين يُصْبحُ عشْراً ، وحين يمْسي عشْراً أدركته شفاعتي يوم القيامة.

[صحيح الجامع الصغير وزياداته]
يالا مع بعض نعملها مش هاتاخد وقت وانا معاكوا اهه قول ردد

تاسعا :
من قال رضيتُ بالله رباً ، وبا لإسلامِ ديناً ، وبمحمدٍ نبياً ، وجَبت له الجنة .

[صحيح الجامع الصغير وزياداته]

عاشرا واخيرا
ن كان سهلاً هيناً ليناً ، حرَّمه الله على النَّار.

[صحيح الجامع الصغير وزياداته]



ياجماعه والله ماهي صاعبه بس عايزه البدايه يارب انفعنا بما قدمنا
اللهم اني اسالك ان تنفعني بما قدمت وان تجعله لي في ميزان حسناتي



سلام