بسم الله الرحمن الرحيم
ما هي أفضل الرباعيات التي تفضلها لصلاح جاهين
ياما صادفت صحاب و ما صاحبتهمش
و كاسات خمور و شراب و ما شربتهمش
أندم علي الفرص اللي انا سبتهم
و الا علي الفرص اللي ما سبتهمش
عجبي !!
في يوم صحيت شاعر براحة و صفا
الهم زال و الحزن راح و اختفى
خدني العجب و سألت روحي سؤال
أنا مت ؟ و لا وصلت للفلسفة ؟
عجبي !!!
----------
و دى برضه جميلة جداً:
---
مع ان كل الخلق من أصل طين
وكلهم بينزلوا مغمضين
بعد الدقايق والشهور والسنين
تلاقى ناس أشرار وناس طيبين
عجبى !!!
أنا اللى بالأمر المحال اغتوى
شفت القمر نطيت لفوق ف الهوا
طلته ماطلتوش .. ايه انا يهمنى ؟؟!!
و ليه مادام بالنشوة قلبى ارتوى ... عجبى
عجبى عليك عجبى عليك يا زمن
يابو البدع يا مبكى عينى دماً
ازاى أنا اختار لروحى طريق ؟؟؟!!!!
وانا اللى داخل ف الحياه مرغماً... عجبى
مرغم عليك يا صبح مغصوب يا ليل
لا دخلتها برجليا و لا كان لى ميل
شايلنى شيل دخلت انا ف الحياه
و بكره هاخرج منها .. شايلنى شيل ... عجبى
ازاي شبابنا يقوم و ياخـــــــــد دوره
من غير صراخ يئذيه و يجرح زوره
يا هلتري أحسن له يقعد ساكـــــــــت
أو ينترك و لو خرج عن طــــــوره ؟
عجبي !!!
يأسك و صبرك بين ايديك وانت حر
تيأس ما تيأس الحياه راح تمر
انا دقت من ده و من ده عجبى
لقيت الصبر مر و برضك اليأس مر ... عجبى
أعرف عيون هي الجمال و الحسن
و اعرف عيون تاخد القلوب بالحضن
و عيون مخيفة و قاسية وعيون كتير
وباحس فيهم كلهم بالحزن
عجبي !!
حدوته عن جعران و عن خنفســــــــــه
اتقابلوا حوا بعض ساعة مســـــــــــــــا
و لا قال لهم حد اختشوا عيب حـــــرام
و لا حد قال دي علاقة متدنســــــــــــــة
عجبي !!!!
ولدى نصحتك لما صوتى اتنبح
ماتخافش من جنى ولا من شبح
وان هب فيك عفريت قتيل اسأله
مادافعش ليه عن نفسه يوم ما اندبح
وعجبى
خش اكتب اكتر رباعيات عجباك لصلاح جاهين
يلا يا جماعه ايه؟ مفيش حد بيحب رباعيات صلاح جاهين ؟
الفكره لو كول واحد كتب كلمه بس لصلاح جاهين حتبئا هيا دي مناقشه ادبيه للرباعيات مش موسوعه ليه